You are here : Home Latest News පේරාදෙණිය සරසවියේ පුදුම 7...!!!

පේරාදෙණිය සරසවියේ පුදුම 7...!!!

සුන්දරත්වය කියන වචනයට අපි බොහෝ දෙනා කැමතියි තමන්ගේ ඇහට සුන්දර දසුන් දකින්න ලැබෙනවනම් එයට සියලු දෙනා කැමතියි. ඉතින් එවන් සුන්දර දසුන් පෙළක් සජීවීව නොවුනත් ඔබට ළගා කිරීමටයි මම අද මේ උත්සහ ගන්නේ. පේරාදෙණිය සරසවිය කියන්නේ ලංකාවේ සරසවි වලින් සුන්දරත්වයෙන් ප්‍රමුඛ සරසවියක්. ඒ වගේම බක් මාසය උදා වෙනවා කියන්නේ සැම තැනම සුන්දරත්වයෙන් පිරෙන කාලයක්. එය පේරාදෙණිය සරසවියටත් අදාළ දෙයක්. මේ කාලයට සරසවියේ සුන්දරත්වය වෙනත් කාල වලට වඩා සුන්දරත්වයෙන් පිරී පවතිනවා.

 

 

01. වළ

මහාචාර්ය එදිරිවීර සරච්චන්ද්‍රන් විසින් බොහෝ රඟදක්කවීම් කල සරච්චන්ද්‍ර වළ ලංකාවේම රසික හදවත් සිප ගන්න තවත් සාදකයක් මුල් බැස ගත්තා. ඒ රොබ රෝසියා ගස. අද රොබ රෝසියා මිහිදන් උනත් ඈ ප්‍රේක්ෂකයන් 7000කට අසුන් ගත හැකි වළේ 1500 දෙනෙකුට රඟහලේ සියුම් දසුන් නොපෙනන්නට ආඩම්බර වී උන්නා. වළ වූ කලි කෙතරම් සියුම් ස්වරයන් පවා මහා ජනකදට අඩුවක් නැතිව සවන් පත් මත පිරිසිදුව ලැගුම් දීමට නිහතමානී වූ අතර එය නිර්මාණාත්මක අතින් ඉතා අලංකෘතව වෑයමක් ලෙස පේනවා. වැසි සමයේ පවා දෙවියන්ගෙන් අවසර ගෙන රඟහල මත රංග රංගනවියෝ මනහර රැඟුම් පානවා.

02. ඉංජිනේරු පීඨ බරාදය

අධ්‍යයන අංශ විශාල ප්‍රමාණයක් සම්බන්ධ කරමින් සෘජුව හැල්මේ දුවන කොරිඩෝව පෙම්වතියට තම ආදරණිය පෙම්වතා එකවර හදුනා ගැනීමට බැරි තරමට දීර්ඝ ලෙස නිමවී තිබීම මේ කථා බහ තවත් රසවත් කරනවා.

03. අක්බාර් පාලම

මහවැලි ගඟ එගොඩ අනිත් පීඨයන් වෙත සිසුන් මාරුවෙන පාලම අක්බාර් පාලමයි. මෙය නිර්මාණය කල අක්බාර් නැමැත්තාගේ තවත් සුන්දර නිමැවුම් වෑයමක්. කොන්ක්‍රීට් ලෑලි 3කින් නිමවා ඇති පාලම මැදට ගොස් උඩ පැන්නහොත් පාලම පැද්දෙන අයුරු තවත් අරුමයක්.

04. H ගස

කඩොලාන ශාක විශේෂයට අයත් ලංකා මුහුදු මට්ටමේ සිට ඉහලින්ම ඇති විශාලම කඩොලාන ශාකය මෙයයි. එකිනෙකාට නොපෙනෙනයුරු එකවර ප්‍රේමවන්ත වන්තීන් 7 දෙනෙකුට පෙම් සුව විදි හැකි H ගස තවත් අපුර්වත්වයක් සරසවියට එක්කරනවා. කරුමය නම් ප්‍රේම අල්ලාප සල්ලාපයේ යෙදෙන ඔවුනොවුන්ට අනිකුත් යුවලවල් එකිනෙකා නොපෙනුනද වීදියේ ගමනේ යෙදෙන හැමටම ඔවුන්ව දිස්වීමයි.

05. සනාතන මන්දිරය

පරිපාලන ගොඩනැගිල්ල නොහොත් සෙනට් එක සදා ඇත්තේද තරමක මවිතයක් ඇතිවන ආකාරයට. ගල් කණු 164ක් උඩ සදා ඇති සනාතන මන්දිරය යටින් නිදහසේ හමායන සුලඟ කරණා කිහිපයක් අපට කියා පානවා. සානුවක් ආසන්නයේ සුළං කපොල්ලක නිමවා ඇති මන්දිරය මෙසේ නිම නොවුයේනම් සුළං මග ඇහිරී කාලගුණික හා දේශගුණික විපර්යාසයන් රැසක් සිදුකිරීමට ඉඩ තිබුනත් මෙම නිර්මාණය ස්භාවසෞන්දර්යට මොනම හෝ හිරිහැරයක් නොකොට සාඩම්බරව විද්‍යාමානි වෙනවා.

06. ගල් අගුරු ධාවන පථය

1960 ගණන් වල ඔලිම්පික් තරඟ සදහා යොදාගත් උපරිම තාක්ෂණය යොදා ගල් අඟුරු වලින් නිමවා ඇති ධාවන පථය අදටත් ඒ ආකාරයෙන්ම දක්නට තිබෙනවා. මෙසේ ගල් අඟුරු ධාවන පථයක් තවත් ඇත්තේ ආසියාවටම එකකි. දෙකෙනෙකු අතරින් එකෙකු අපේ එකෙක් වීම පේරාදෙණිය සරසවි සිසු සිසුවියන්ගේ ප්‍රීතියට හා නිහතමානී ආඩම්බරයට හේතු වෙනවා.

07. භූගත විදුලි රැහැන් පද්ධතිය

මුළු සරසවි භූමි භාගය පුරා භූගතව විදුලිය ඇද තිබීම පරිසරයට අතිශය සුන්දරත්වයක් ඉතිරිකරනවා. අවාසනාවට නවිකරණයේ අපහසුතා නිසා දැන් දැන් විදුලි රැහැන් ඉහලින් යන්නත් පටන් අරන් තියෙනවා.

Source - Lanka News

 

AAUPCC Calendar

August 2017
S M T W T F S
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2